Letste update 12-05-2026
't is gedaon
Sinds 1994 make weej same meziëk. Hebbe we vuuel leuke en gezellige optreejes gehad. Jaomer genog kump d’r gen nieje aanwas beej. En met ein beperkte bezetting is t hiel lastig um gooje optreejes te kinne speule. Daorum hebbe weej beslaote um te gaon stoppe.
‘T is gedaon, 't is gedaon
Op 1 juni halde weej op te bestaon.
Historie
De Joekskepèl is ontstaon op vastelaoveszóndaag 13 fibberwari 1994 tièdens ein frietje pikke
beej d’n Happelaer op de Straolseweg. D’r waas namelik genne laevende meziek met vastelaovend
in café ’t Pumpke, wao weej as vaste klant altiëd kwaame.
Weej zien begónne beej Café-Feestzaal ’t Pumpke aan de Straolsewaeg toen nao “t Kläöske en de
Witte Kerk in Venlo-Noord en via Venlo-Oés “De Krômme Schuùver” zitte weej now vanaaf
november 2010 in ’t Ven, en waal in de Veegtes beej handbaogvereiniging EHS, van Coehoornstraat .
Weej rippetere meistal ’s-Zóndaags van 10.30 wies 12.30 oor beej eur in de kantine.
De joekskepèl haet momenteel 18 speulende leeje in de laeftied tösse 30 en 80 jaor. Weej kinne neteurlik nog altiëd vers blood gebroeke.
Dus as er minse zien die op ein joeksige meneer meziek wille maken kinne dan met de
sikkertaris kóntak opneme of gewoeën ens binne loupe.
Repetitie: zóndaags van 10.30 wies 12.30 oor in de
Kantine van handboogvereniging E.H.S.
van Coehoornstraat 23
5916 PH Venlo
Telefoon: 077-3542191
|
|